Jyl saıyn 31 mamyr jyl saıyn qýǵyn- súrgin qurbandaryn eske alý kúni retinde atalyp ótiledi. Búginde jurtshylyq oblys ortalyǵyndaǵy qýǵyn-súrgin qurbandary eskertishiniń basyna jınalyp, gúl shoqtaryn qoıýda.
Tarıh betteri ashyldy. Oblys ortalyǵyndaǵy memlekettik arhıv basqarmasynda saıası qýǵyn-súrgin kezeńine qatysty qundy málimetter saqtaýly. Arhıv qyzmetkerleriniń aıtýynsha, 1989 jyldan bastap stalındik qýǵyn-súrginge ushyraǵan adamdardyń jeke tektik qujattaryn jınaý bastalypty.
Sondyqtan aldymen saıası qýǵyn-súrginge ushyraǵandardyń isteri men qujattarynyń jınaǵy jasaldy. Jınaqqa 400-den asa negizsiz qýǵyn-súrginge ushyraǵan adamdar jóninde derekter engen. 1999 jyly oblys memlekettik arhıvi V. Boltına, L. Shevelovanyń «Azaly kitap. Atylǵandar tizimi» atty kitabyn jaryqqa shyǵardy. Jalpy, kitapqa qýǵyn súrginge ushyraǵan, jastary 18-den 82 jas aralyǵyndaǵy 810 adam jaıly málimet bar.
2014 jyly Máskeýdegi «Memorıal» halyqaralyq tarıhı, qaıyrymdylyq qoǵamynan jergilikti oblystyq arhıvine saıası qýǵyn-súrginge ushyraǵandar jaıly qundy qujattar berilipti. Urpaqtary úshin ǵıbrat. Bul qujattardyń birinde Júsipbek Aımaýytovtyń qamaýda bolǵan kezdegi fotosýreti bar.
Búginde oblys ortalyǵynda Alashtyń aıbarly uly Júsipbek Aımaýytovqa eskertkish ornatylǵan. Urpaqtary táý etip, taǵzym jasaýda.
Farıda Byqaı,
«Egemen Qazaqstan»
Pavlodar
Sýretti túsirgen Ermek Elemes